सिरहा नगरपालिका भित्रका सबै विद्यालय बन्द

• वैशाख १३, २०७८ | ७६२ पटक पढिएको | बैधनाथ कुमार यादब

सिरहा । सिरहा नगरपालिकाभित्रका सामुदायिक तथा संस्थागत सबै विद्यालय बन्द गरिएका छन् । नेपाल सरकार सीसीएमसी को बैशाख १२ गतेको प्रसे विज्ञप्ती र सोमवार बसेको सीसीएमसी निर्देशक समितिको निर्णयअनुसार वैशाख १३ गतेदेखि  बैशाख मसानत सम्मका लागि भैतिक उपस्थितिमा हुने पठनपाठन बन्द गरिएको  सिरहा नगरपालिकाका प्रमुख प्रशासकीय अधिकृत रामबलि यादबले जानकारी दिए ।

अधिकृत यादबले विद्यालय बन्द भए पनि भर्चुअल र अन्य माध्यमबाट भने पठनपाठन गराइने बताए । नगरपालिकाको निर्देशन विपरित विद्यालयले पठनपाठन गरे, क्षतिको जिम्मेवारी विद्यालयका प्रधानाध्यापकले लिनुपर्ने उनको भनाइ छ ।

जिल्लाका १७ स्थानीय तहमध्ये सिरहा नगरपालिकाले विद्यालय बन्द गर्ने निर्णय गरेको हो । प्रदेश २ का जिल्लाहरु पनि कोरोनाको गम्भीर चपेटामा परेपछि विद्यालयहरु बन्द गर्न थालिएको छ ।

प्रदेश २ का धनुषा, सप्तरी, बारा, पर्सा लगायतका जिल्लामा विद्यालय बन्द भइसकेको छ । कोरोनाको दोस्रो लहरमा सबभन्दा बढी प्रभावित बालबालिका हुने भएकाले चिन्ता बढाएको छ ।