काँग्रेस प्रदेश २ निर्वाचनमा १ हजार ८ सय ८१ मत खस्यो

• पुस ८, २०७८ | ६५५ पटक पढिएको | सीमा संदेश

जनकपुरधाम, पुस ८ गते । नेपाली कांग्रेस प्रदेश २ को नयाँ नेतृत्वका लागि भएको मतदान सम्पन्न भएको छ । आज विहान साढे ९ बजे देखि सुरु भएको मतदात राति ८ बजे सम्पन्न भएको हो । कुल मतदाता १ हजार ९ सय ५१ रहेकोमा १ हजार ८ सय ८१ जनाले मतदान गरेका छन् ।

मतदान सकेपछि आज नै राति ११ बजेदेखि मतगणना सुरु हुने प्रदेश निर्वाचन समितिले जनाएको छ ।

सबैभन्दा पहिले पदाधिकारीको र त्यसपछि सदस्यहरको मतदान हुनेछ ।

७२ सदस्यी कमिटि रहेपनि ५ जना निर्विरोध भएपछि ६७ पदका लागि मतदान भएको हो ।

प्रदेश निर्वाचन समितिका अनुसार धनुषा र महोतरीको बुथमा ४६६, सिरहा र सप्तरीको बुथमा ४६५, सर्लाही र रौतहटको बुथमा ४८२ तथा बारा र पर्साको बुथमा ४६८ मत खसेको हो ।