अब भाडामा बस्नेले छुट्टै बिजुली मिटर लिन पाउने

• पुस ९, २०७८ | ४७१ पटक पढिएको | सीमा संदेश

काठमाडौं । बिजली विलको नाममा घरबेटीले ठग्ने गरेको गुनासो बढेपछि ऊर्जा, जलस्रोत तथा सिँचाई मन्त्री पम्फा भुसालले नयाँ योजना ल्याउन लागेकी छन् । उनले अब भाडामा बस्नेले पनि प्राधिकरणबाट छुट्टै मिटर लिन सक्ने बताएकी हुन् ।

मन्त्रालयमा भएको पत्रकार सम्मेलनमा मन्त्री भुसालले यसबाट शहरी क्षेत्रमा डेरा गरी बस्ने लाखौँ जनता लाभान्वित हुने विश्वास व्यक्त गरिन् । अहिले घरेबेटीले कोठामा बस्नेसंग चर्को भाडा असुल्ने गरेको गुनासो सर्वत्र छ, त्यसैले छुट्टै मिटर लिन सक्ने व्यवस्था मिलाएको उनले भनेकी छन् ।