सिरहामा शान्तिपूर्ण वातावरणमा ६५ प्रतिशत मतदान

• वैशाख ३०, २०७९ | ६४७ पटक पढिएको | सीमा संदेश

सिरहा, ३० वैशाख।  सिरहा जिल्लाको १७ वटै स्थानीयतहहरुमा सामान्य विवादबाहेक शान्तिपूर्ण निर्वाचन सम्पन्नभएको निर्वाचन कार्यालय सिरहाले जनाएको छ। सिरहाभरी शान्तिपूर्ण वातावरणमा स्थानीयतहनिर्वाचन २०७९ सम्पन्नभएको छ। जिल्लामा पाँच बजेसम्ममा ६५ प्रतिशतको हाराहारिमा मतदान भएको प्रमुख निर्वाचन अधिकृत प्रकाश खरेलले जानकारी दिए।

परान्ह हावाहुरिसहितको वर्षाका कारण केही वेर मतदान प्रकृया अवरुद्ध भएकाले अझै मतदान जारी रहेको बताउँदै अहिले नै यति मतदानभएको बताउननसकिने जनाए। तर, उनले ७० प्रतिशतभन्दा बढी मतदानहुन सक्ने बताए।
पानि र हावा थामीपछि पनि मतदाताहरु मतदानस्थल आएकाले उनीहरुलाई निर्वाचन प्रकृयामा सामेल गराएको जनाए। पानीका कारण केही ढिलो भएको सुनाए।

स्थानीयतह निर्वाचनकालागि जिल्लामा दुई सय २१ मतदानस्थल अन्तर्गत चार सय ९८ मतदान केन्द्र मार्फत निर्वाचन भईरहेको छ।

सिराहाको आठ नगरपालिका र नौ गाउँपालिका गरी १७ स्थानीय तहमा दुई लाख १९ हजार पाँच सय ६४ पुरुष, एक लाख ९४ हजार छ सय महिला र दुई तेस्रोलिंगी गरी चार लाख १४ हजार एक सय ६६ मतदाता रहेका छन्।