नवराजपुर-१ मा मालपोत, जन्मदर्ता र घरबाटो बाहेक हरेक सिफारिस नि:शुल्क

• जेठ १०, २०७९ | ८९९ पटक पढिएको | सीमा संदेश

सिरहा । नवराजपुर गाउँपालिका -१ का वडाध्यक्ष नविन कुमार यादव निर्वाचित भएको विहानपल्टैबाट वडाको काम थालेका छन्।

उनले नवराजपुर १ का रामकुमार यादवलाई मधेशी प्रमाणितमा शिफारिस गरेर काम सुरु गरेका हुन् । वडाध्यक्षको उम्मेदवारी दर्ता भएपछि मत माग्ने क्रममा मतदातालाई बाचा गरे अनुसार आफूले जनताको हरेक समस्यालाई आफ्नो समस्या बुझेर कामलाई सरल र सहज बनाउन लागि परेको बताए ।

जसपा र नेकपा एकीकृत समाजवादी गठबन्धन जसपाबाट उम्मेदवार बनेका यादव वडामा एमालेका उम्मेदवारलाई पराजित गर्दै वडाध्यक्षमा निर्वाचित भएका हुन् ।

चुनाव जितेलगत्तै काममा खटिएको वडाध्यक्ष यादवले वडाका जनताहरुका लागि मालपोत, जन्मदर्ता र घरबाटो बाहेक वाडाबासीको हरेक सिफारिस नि:शुल्क उपलब्ध गराउने प्रतिबद्धता समेत गरेका छन् ।