सिरहामा एकै दिनमा दुई जनाको शव भेटियो

• साउन ७, २०७९ | ६३८ पटक पढिएको | सीमा संदेश

सिरहा, ७ साउन। सिरहाको गोलबजारमा इनारमा डुवेको अवस्थामा एक पुरुषको शव फेला परेको छ। गोलबजार नगरपालिका ९ डण्डाका ४५ वर्षिय रामजतन पासवानको शव रहेको आशंका गरेको छ।

हिजो बेलुकादेखि हराईरहेका उनको चप्पल र गञ्जी इनार नजीकै फेला परेकाले शव उनकै भएको हुन सक्ने प्रहरीले बताए।
आज विहान उनको गञ्जी र चप्पल भेटिएको आधारमा इनारको पानी फालेपछि शव देखिएपनि कसको हो भन्ने अझै खुलिनसकेको प्रहरीको भनाई छ।

प्रहरी र सेनाले शव निकाल्ने प्रयास गरेपनि नसकेपछि इटहरीबाट गोताखोर टोली ल्याएर निकाल्ने कोसिस भईरहेको छ।
इनाकारमा अक्सिजनको मात्रा कम भएकाले निकाल्न नसकिएको स्थानीयको भनाई छ।

त्यस्तै विष्णुपुर गाउँपालिकामा एक महिलाको शव कटनियाँ नदीमा वेवारीस अवस्थामा भेटको छ । प्रहरी घटना स्थालमा पुगेको छ भने पूर्ण जनाकारी आउन बाँकी रहेको छ ।     

घटनाबारे प्रहरीले अनुसन्धान गरिरहेको छ।