अपाङ्गता भएका व्यत्तिलाई सहज सेवा उपलब्ध गराउँछ : मेयर साह

• भदौ २१, २०७९ | ३३१ पटक पढिएको | सीमा संदेश

सिरहा । अपाङ्गहरुले नगरपालिकाबाट पाउने सेवा सुविधामा कुनै प्रकारको कमि आउन नदिने कल्यापुर नगरपालिकाका प्रमुख रामपुकार साहले प्रतिबद्धता जाहेर गरेका छन्। दलित विकास मञ्च सिरहाको आयोजना, कल्याणपुर नगरपालिकासँगको सहकार्य र सीवीएम ग्लोबलको साझेदारीमा संचालित ‘सवैको लागि समावेशी’ कार्यक्रमको उद्घाटन गर्दै अपाङ्गताको क्षेत्रमा आफ्नो तर्फबाट गर्न सकिने सवैकाम गर्ने प्रतिबद्धता जनाएका हुन्।

मेयर साहले अन्य नागरिक सरह नै अपाङ्गता भएका व्यत्तिहरूलाई सेवा सुविधा प्रदान गर्न नगरपालिकाका कर्मचारीहरूलाई निर्देश समेत दिएका छन्। एनले अपांग समुदायलाई सक्षम तथा आत्मनिर्भर बनाउने खालका योजना र बजेट समेत विनियोजन गर्ने प्रतिबद्धता जाहेर गरे।

एद्घाटन कार्यक्रममा कल्याणपुर नगरपालिका १२ वटै वडामा कार्यक्रम सञ्चालन गरिने दलित विकास मञ्च सिरहाका कार्यकारी निर्देशक संजय महराले जानकारी दिए।

कार्यक्रममा कल्याणपुर नगरपालिकाका उपमेयर रेखा यादब, सवै वडाका वडाअध्यक्षहरु, सवै शाखाका शाखाप्रमुखहरु, विभिन्न संघसंस्थाका प्रतिनिधीहरुको उपस्थिति रहेको थियो।

एद्घाटन कार्यक्रममा सीवीएम ग्लोवलका विमल पौडेलले आफूहरु स्थानीय सरकारसँगको सहकार्यमा अपाङ्गताका क्षेत्रमा केही गर्न सकिन्छ की भनेर आएका छौं; यसका तपाईहरुको साथ सहयोग चाहिएको बताए।

कार्यक्रमबारे जानकारी संस्थाका कार्यक्रम संयोजक जितेन्द्र रायले गराएका थिए।

संस्थाका अध्यक्ष रूणा कुमारी महराको अध्यक्षतामा सम्पन्न कार्यक्रमको सञ्चालन फिल्ड सुपरभाइजर रविन महराले गरेका थिए।