बलि चढाउन ल्याएको राँगोले लखेटेपछि गोली प्रहार

• असोज १६, २०७९ | ४२४ पटक पढिएको | सीमा संदेश

काठमाडौं । काठमाडौंको माकलबारीमा बलि चढाउन ल्याएको राँगोले मान्छेलाई लखेटेपछि गोली हानेर मारिएको छ ।

जिल्ला प्रहरी परिसर काठमाडौंका एसपी दिनेशराज मैनालीका अनुसार सो राँगोलाई दुई राउन्ड गोली प्रहार गरिएको हो ।

आज बिहान गोकर्णेश्वर नगरपालिकामा फूलपाती भित्र्याउन बलि दिन राखिएको राँगो बाँधेको डोरी चुँडाएर भागेको थियो । सो क्रममा मान्छेलाई लखेटेपछि भागादौड मच्चिएको थियो । प्रहरीका अनुसार घटनामा कसैलाई पनि चोटपटक भने लागेको छैन ।

यसअघि पनि काठमाडौंमा राँगालाई गोली हानेर मारिएका घटनाहरू छन् ।