मधेश प्रदेशका जिल्लामा बिहान ८ बजेदेखि मतगणना हुने

• मंसिर ५, २०७९ | ४८४ पटक पढिएको | सीमा संदेश

मधेश प्रदेशका जिल्लामा आइतवार भएको प्रतिनिधिसभा तथा प्रदेशसभा सदस्य निर्वाचनको  मतगणना कार्य शुरू हुन सकेको छैन ।

प्रदेशका ८ वटै जिल्लामध्ये कतिपय जिल्लामा मतगणनास्थलमा मतपेटिका संकलन गर्ने र मतपेटिका रुजु गर्ने कार्य जारी रहेको तथा कतिपय ठाउँमा सर्वदलीय बैठकका कारण बिहान ८ बजेपछि मात्रै मतगणनाको तयारी भइरहेको छ ।

धनुषामा सोमवारै रातिदेखि मतगणनाको प्रक्रिया शुरू हुने भनिए पनि सबै क्षेत्रको मतपेटिका संकलन र रुजु गर्ने काम जारी रहेकाले बिहानदेखि मात्र मतगणना शुरू हुने मुख्य निर्वाचन अधिकृत ब्रजेश प्याकुरेलले जानकारी दिए । यसैगरी सर्लाही, सप्तरी, सिरहा, बारा, पर्सा, रौतहट र महोत्तरीमा पनि सम्भवतः बिहान ८ बजेपछि मात्रै मतगणना शुरू हुने जनाइएको छ ।