यातायात कार्यालय लहानबाट ४ जना बिचैलिया पक्राउ

• माघ १७, २०७९ | ६७२ पटक पढिएको | सीमा संदेश

सिरहा, १७ माघ । सिरहाको यातायात कार्यालय लहान परिसरबाट प्रहरीले ४ जना बिचौलियलाई पक्राउ गरेको छ ।

सेवाग्राहीलाई हैरानी दिएको भन्दै खडक नगरपालिका वडा नं. ३ बस्ने जिवछ ठाकुर,  अनिल कुमार चौधरी, लहान नगरपालिका वडा नं. ७ बस्ने नन्दन खेतांग र नवराजपुर गाउँपालिका वडा न.. १ बस्ने विष्णुदेव यादबलाई प्रहरीले पक्राउ गरेको हो ।

जिल्ला प्रहरी कार्यालय सिरहाका प्रवक्ता प्रहरी नायब उपरीक्षक सुवास बुढाथोकीले यातायात कार्यालयमा आएका सेवाग्राहीहरूलाई काम छिटो गराइदिन्छु भनेर बार्गेनिङ गर्ने, कार्यालय परिसरभित्र फाईल च्यापी भित्र बाहिर गर्ने, प्रचलित कानून विपरीत अत्याधिक सेवा शुल्क लिने तथा सेवाग्राहीहरुलाई अनावश्यक हैरानी दिने भन्ने पटक-पटक जनगुनासो आएपछि उनीहरुलाई पक्राउ गरेको जानकारी दिए ।

पक्राउ परेकाहरुलाई जिल्ला अदालतबाटअभद्र व्यवहार मुद्दामा ७ दिनको म्याद लिई ईलाका प्रहरी कार्यालय लहान सिरहाबाट थप अनुसन्धान कार्य भई रहेको बुढाथोकीले बताए ।