सरस्वती पूजाको दिन विद्यालय पोसाक अनिर्वाय सामान्य ध्वानिमा भक्तिमे गित संगित बजाई पूजा मनाउन अनुरोध

• माघ २८, २०८० | ८५३ पटक पढिएको | सीमा संदेश

सिरहा, २८ माघ । सिरहा नगरपालिका भित्र अध्ययन गरी रहेका विद्यार्थीहरुबाट कुनै पनि शुल्क नउठाउन विद्यालय प्र.अ.हरुलाई प्रमुख प्रशासकीय अधिकृत बलिराम यादबले निर्देशन गरेका छन् ।

२०८० सालको आधारभुत तह (कक्षा ८) उतीर्ण परीक्षा स्थानीय तहबाट सञ्चालन भईरहेको व्यहोरा जानकारी गराउँदै, उक्त परीक्षामा आवेदन फारम, प्रश्नपत्र, उत्तरपुस्तिका र र्मकसिट लगायत परीक्षासँग सम्बन्धित अन्य कागजातहरु समेत पालिकाबाट उपलब्ध गराइने हुँदा कुनै शुल्क नउठाउन बिद्यालयहरुलाई निर्देशन गरेको हो ।

आउँदै गरको सरस्वती पूजाका लागि विद्यार्थीहरुलाई विद्यालयबाटै शुल्क तोकी जबर्जस्ती करचाप लगाई शुल्क नलिन पनि अनुरोध गरको  छ । सरस्वती पूजाको दिन सामुदायिक तथा नीजि विद्यालयहरुले आफ्ना विद्यालयको पोसाक विद्यार्थीहरुलाई अनिर्वाय लगाई पुजा कार्यक्रममा सहभागी गराउन पनि निर्देशन गरको  छ ।  

पूजाको दिन विद्यालयमा ठुल ठुला डिजे साउण्ड लगाई अश्लिल गित संगित नबजाउन र सामान्य अवाजमा मात्र भजन भावका गित संगित बजाई पूजा गर्न अनुरोध गरेको छ ।

 यदि कसैबाट निर्देशनको अवज्ञा गरिएको पाएमा जो कोहिले पनि नगरपालिकामा जानकारी गराउँन पनि सबैसँग अनुरोध गरेको छ ।

 नगरपालिका जारी गरको निर्देशन पालन नभए कानून बमोजिमको करवाही हुने यादबले बताए।