खेलकुदलाई व्यवसायिक रुपमै विकास गर्छु : प्रमुख प्रशासकीय अधिकृत बलिराम यादब

• फागुन ४, २०८० | ९५२ पटक पढिएको | सीमा संदेश

सिरहा, ०४ फाल्गुन । सिरहा नगरपालिकाका जनप्रतिनिधिहरुले खेलकुदलाई प्राथमिकताका योजानाको रुपमा आगडी बढाएकोले अब नगरपालिकाले व्यवसायिक खेलकुदका रुपमा विकास गर्ने प्रमुख प्रशासकीय अधिकृत बलिराम यादबले बताए ।

नगर स्तरीय क्रिकेट प्रतियोगिताको जनप्रतिनिधि र कर्मचारी बिचको मैत्री पूर्ण खेल कार्यक्रमको उद्घाटन क्रममा भने, अहिले विश्वव्यपी रुपमा खेलकुद व्यवसायिक बन्दै गएका छन् । यदि सिरहा नगरपालिकाले आफ्ना योजनालाई विश्व बाजरसँग जोडि खेलकुदबाट खेलाडी उत्पादन तथा व्यवस्थापन गर्न सके रोजगारी विकाससँगै आर्थिक विकासमा पनि टेवा पुग्ने छ ।

नगरपालिकाले संचालन गरेको नगर स्तरी फुटवल र क्रिकेट प्रतियोगितामा नगरवासिहरुका उत्साहले खेलकुद प्रतिका उर्जालाई सरकारले संरक्षण गर्न जरुरी रहेको छ। यस उर्जालाई व्यवस्थापन गर्न सकिए आर्थिक समृद्धिसँग सहजै जोडन सक्रिन्छ । सबै पालिकाले आफ्ना पहचान कुनै न कुनै विषयसँग जोडी रहेको वेला सिरहा नगरपालिकामा खेलकुद विकास तथा पहिचानको राम्रो सम्भावना देखिन्छ । अब नगरपालिकाले एक खेल मैदान व्यवस्थापन गरी वडा स्तरीबाटे खेलकुद विकास गर्ने यादबले बताए ।

यता सिरहा नगरपालिका मेयर डा. नवीन कुमार यादबले अब सिरहा नगरपालिकामा दंगल प्रतियोगिता पनि हुने घोषण गर्नु भयो । फाल्गुन २१ गते बाट सिरहा क्याम्पस मैदानमा अन्तराष्ट्यि सहिद हेमनारायण फुटवल प्रतियोगिता संचालन हुने आयोजक संस्थाका सलहेश युवा क्लवका अध्यक्ष राजिप यादबले जानकारी दिइएका छन् ।