नेपाल भारत दशगजा क्षेत्रमा भारतीय नागरिकको अलपत्र अवस्था

• जेठ १७, २०७७ | ५६७ पटक पढिएको | बैधनाथ कुमार यादब

सिरहा बरियारपट्टी । सिरहाको बरियारपट्टी नाकाको नेपाल भारत दशगजा क्षेत्रमा भारतीय नागरिक अलपत्र अवस्थामा कष्ठकर जिवन बिताई रहेको छ । 
ईटा उधोगमा काम गर्न आएको भारतीय नागरिक लकडाउनमा उधोग बन्द भएपछि घर फर्किन क्रममा दशगजा क्षेत्रमा अलपत्र परेका छन । सिरहा जिल्लाका विभिन्न ईटा उधोगमा कार्य गर्ने १८० जना भारती दशगजा क्षेत्रमा बास बसेका छन । कोरोना र खुला वासको त्रासले उनीहरुमा विभिन्न शारिरीक ताथ मांशिक समस्या पनि देखिएका छन । भारतीय सुरक्षा बलले उनीहरुलाई प्रवेश गर्न रोकी कुटपिट र दुरव्यवहार गरेपछि नेपाल क्षेत्रका गाउँमा भिख मागी गुजारा गरिरहेका छन ।

लकडाउनका कारण घर फर्किन क्रममा भारतीय सीमा सुरक्षा बलले उनीहरुलाई रोकेका छन । खाना बस्न कुनै व्यवस्था नभएको कारण दशगजा क्षेत्रमा रुने कराउने गरेको सीमा संदेश सामाचारदाता संतोष कुमार यादबले बताउनु भयो ।

नेपालमा भारतबाट आएको नेपाली नगरिकलाई क्वारेनटाइन व्यवस्थापन गर्न समस्या भईरहेको कारणले यती धेरै संख्यामा भारती नागरिकलाई कहाँ व्यवस्थापन गर्ने बरियारपट्टी गाउँपालिका अध्यक्ष संतोष महतोले बताउनु भयो । भारत सरकारले आफ्नो नागरिकलाई सहज रुपमा भित्रियाउनु पर्छ न त उनीहरुका सम्पूर्ण व्यवस्थापन गर्नु पर्छ । हामीले कति दिन सम्म सहयोग गर्ने । भारतीय सरकारले यो समस्या प्रति गम्भिर रुपमा चासो लिई आफ्ना नागरिकलाई भित्रियाउन अध्यक्षले अनुरोध पनि गर्नु भयो ।

भारतको सरकार आफ्नै नगरिकलाई कुनै किसिमको सहयोग नगरेपछि बरियारपट्टीका युवा संगठनले खाना बस्ने व्यवस्थापन मिलाएको छ । आवस्था हेरेर माया लागेपछि गाउँमा चन्दा जुटाई सहयोग गरिरहेको युवा संगठनले बातए ।