सिरहामा क्वारेनटाइन बस्नेको संख्या १६४७ पुग्यो

• जेठ १८, २०७७ | २४९ पटक पढिएको | बैधनाथ कुमार यादब

सिरहा । सिरहामा भारतबाट आई क्वारेन्टाइन बस्नेको संख्या १ हजार ६ सय ४७ पुगेको छ ।

जिल्ला भरीको २४ स्थाई  र ६ अस्थाई क्वारेन्टाइनमा बसेका कुल १३४८ जनाको स्वाब संकलन गरी पिसिआर परिक्षणका लागि काठमाडौँ पठाएको छ । जस मध्ये कुल ९६५ जनाको परिक्षण रिर्पोट सर्वजनिक भईसकेको छ । सर्वजनिक गरिएको रिर्पोटमा कुल ९४० जनाको परिक्षण निगेटिभ आएको छ भने २५ जनाको रिर्पोट पोजेटिभ आएको हो ।

हाल सम्म कुल ७३२ जनाको अरडिटी परिक्षण गरिएको छ । आरडिटी परिक्षणमा ७२८ जनाको रिर्पोट निगेटिभ आएको छ भने ४ जनाको रिर्पोट पोजेटिभ आएको जिल्ला स्वास्थ्य कार्यालय प्रमुख कृष्णदेव यादबले बताउनु भयो ।

अरडिटी परिक्षण रिर्पोट पोजटिभ आएको संक्रमित घोषण गरिएको छैन । स्वाब संकलन गरी काठमाडौ पाठएको छ । पिसिआर रिर्पोट पोजेटिभ आएपछि मात्र कोरोना संक्रमित घोषण हुने छ । हाल सम्म कोरोना संक्रमित कुल संख्या २५ जना रहेको यादबले जानकारी दिनु भयो ।

जेष्ठ १७ गते सम्ममा कोरोना संक्रमितसहित कुल ३३ जनालाई आईसोलेसनमा राखिएको छ भने होम क्वारेन्टाइनमा २ जनालाई राखिएको छ ।