सिरहामा थप २ जनामा कोरोना संक्रमण पुष्टि, संक्रमितको कुल संख्या ४९ पुग्यो

• जेठ २४, २०७७ | ८४२ पटक पढिएको | बैधनाथ कुमार यादब

सिरहा । सिरहामा थप २ जनामा कोरोना संक्रमण पुष्टि भएको छ ।

भगवानपुर गाउँपालिकाको क्वारेन्टाइनमा रहेका १७ र १८ वर्षिय दुई पुरुषमा कोरोना भाइरस संक्रमित पुष्टि भएको जिल्ला स्वास्थ्य कार्यालय प्रमुख कृष्णदेव यादबले बताउनु भयो। 

प्रदेश प्रयोगशाला जनकपुरधामले सर्वजनिक गरेको परिक्षण रिर्पोटमा दुई जना पोजेटिभ फेला परेको जानकारी गराएको छ । उनीहरुको जेष्ट १७ गते स्वाब संकलन गरी परिक्षणका लागि पाठएको थियो ।

संक्रमितलाई आसुलेशनमा ल्याउने तयारी भईरहेको छ । संक्रमित दुई जना भारतबाट आएको थियो ।

सिरहामा कोरोना भाइरस संक्रमितको कुल संख्या ४९ पुगेको छ ।