सिरहामा अरडिटी परिक्षणबाट ३७ जनामा पोजेटिभ, कोरोना पुष्टि संख्या ४९ पुग्यो

• जेठ २५, २०७७ | ४४४ पटक पढिएको | बैधनाथ कुमार यादब

सिरहा । सिरहामा कोरोना भाइरस जाँचका लागि अरडिटी किटबाट गरिएको परिक्षणमा ३७ जनामाको रिर्पोट पोजेटिभ देखिएको छ ।

अरडिटी किटबाट जिल्ला भरीमा कुल ११६२ जनाको परिक्षण गरिएको छ । परिक्षण गरिएकोमा कुल ११२५ जनाको रिर्पोट निगेटिभ आएको छ भने कुल ३७ जनामा पोजेटिभ देखिएको जिल्ला स्वास्थ्य कार्यालय सिरहाको प्रमुख कृष्णदेव यादबले जनाकारी दिनु भयो।

अरडिटी परिक्षण रिर्पोट पोजटिभ आएकोलाई कोरोना भाइरस संक्रमित घोषण गरिएको छैन । पिसिआर परिक्षणका लागि स्वाब संकलन गरी काठमाडौ पाठएको छ । पिसिआर रिर्पोट पोजेटिभ आएपछि मात्र कोरोना संक्रमित घोषण हुने यादबले बताउनु भयो । 

पिसिआर प्रविधिबाट कुल १७१७ जनाको परिक्षण गरिएको छ । परिक्षण गरिएकोमा कुल १२११ जनामा परिक्षण रिर्पोट निगेटिभ आएको छ भने कुल ४९ जनामा कोरोना संक्रमित पुष्टि भएको छ । हाल सम्म ४५७ जनाको रिर्पोट आउन बाँकी रहेको छ ।

जिल्लाभरीको संस्थागत क्वारेन्टाइनमा कुल १२९८ जना रहेका छन ।  होम क्वारेन्टाइनमा कुल ५२३ जना रहेको छ भने आईसुलेशनमा कुल ५० जनाको उपचार भईरहेको छ । भारतबाट आउने संख्या क्रमिक रुपमा घटेपछि संस्थागत क्वारेन्टाइनमा बस्ने संख्या पनि घटिरहेको छ ।

सिरहामा हाल सम्म कोरोना भाइरस संक्रमितको संख्या ४९ पुगेको छ ।