प्रदेश २ मा विदेशबाट फर्केका ५ लाख युवालाई रोजगार दिने सरकारको घोषणा

• असार १, २०७७ | २५९ पटक पढिएको | सीमा संदेश

जनकपुरधाम/ प्रदेश २ सरकारले अगामी आर्थिक वर्षमा दुइ देखि पाँच लाख युवालाई रोजगार दिने घोषणा गरेको छ ।

सोमवार प्रदेशसभामा आर्थिक वर्ष २०७७÷०७८ को बजेट प्रस्तुत गर्दै आर्थिक मामिला तथा योजनामन्त्री विजय कुमार यादवले उक्त घोषणा गरेका हुन् ।

वैदेशिक रोजगारमा गएका यस प्रदेशका युवाहरु कोरोना भाइरस महामारीका कारण स्वदेश फर्केर आउने लगभग दुइ देखि पाँचलाख युवालाई मुख्यमन्त्री रोजगार कार्यक्रम अन्तर्गत कृषि र उद्योग क्षेत्रमा रोजगारी श्रृजना गरिने उनले बताए ।

यसैगरी अति विपन्न गरिब दलित वेरोजगार युवाहरुकालागि रोजगारीका अवसर सिर्जना गर्न प्रदेश प्रमुख रोजगार कार्यक्रम अन्तर्गत विभिन्न व्यवसायिक सीपयुक्त तालिम संचालन गर्न समेत रु. ८ करोड वजेट विनियोजन गरिएको छ ।