जनकपुर प्रादेशिक अस्पताललाई स्वास्थ्य विज्ञान प्रतिष्ठान र जिल्ला अस्पतालहरु २ सय बेड बनाइने

• असार १, २०७७ | २४१ पटक पढिएको | सीमा संदेश

झण्डै एकवर्ष अघि अंचल अस्पतालबाट प्रादेशिक अस्पतालमा रुपान्तरण भएको जनकपुर अस्पताललाई स्वास्थ्य विज्ञान प्रष्ठिानमा रुपान्तरण हुने भएको छ ।

प्रदेश सरकारको आ.व. २०७७।०७८ को बजेटमा प्रादेशिक अस्पताल जनकपुरलाई स्वास्थ्य विज्ञान प्रतिष्ठानमा रुपान्तरण गर्ने प्रदेश सरकारले घोषणा गरेको छ । जसको लागि प्रदेश सरकारले ५५ करोडड ५३ लाख रुपैयाँ विनियोजन गरेको छ ।

यस्तै प्रदेश जिल्लाको जिल्ला अस्पताललाई सरकारले स्तरोन्नति गरी २ सय सैय्याको आधुनिक सुविधासम्पन्न अस्पताल बनाउने घोषणा गरी बजेट छुट्याएको छ । बजेटमा जनताको सर्भसुलव एवं प्रभावकारी स्वास्थ्य सेवा प्रदान गर्नको लागि प्रदेश सरकारले जोड दिएको छ ।

सोमबार प्रदेशसभामा प्रदेश सरकारको तर्फबाट आर्थिक मामिला तथा योजना मन्त्री विजय यादवले प्रस्तुत गरको आ.व. २०७७।०७८ को बजेटमा समेटिएको छ ।