आईतवार राती देखि सिरहा नगरपालिका ७ दिनका लागि लकडाउन

• साउन २५, २०७७ | ३९४ पटक पढिएको | बैधनाथ कुमार यादब

सिरहा । कोरोना भाइरसको महामारी समुदाय स्तरमा फैलिइरहेका बेला सिरहा नगरपालिकामा जोखिम कम गर्नका लागि ७ दिनका लागि लकडाउन हुने भएको छ । आइतबार राती देखि लागु हुनेगरी लकडाउनको निर्णय भएको सिरहा नगरपालिकाका प्रशासकिय प्रमुख बलिराम यादबले जानकारी दिनुभयो ।

आईतवार सिरहा नगरपालिकाका कार्यापालिका बैठकले आइतबारदेखि लागु हुनेगरी ७ दिनको लागि लकडाउनको निर्णय गरेको हो । लकडाउन अवधिभरमा अति आवश्यक सेवा एम्बुलेन्स, औषधी पसल, दूध ढुवानी गाडी खानेपानी फोहर मैला व्यवस्थापन जस्ता अति आवश्यक कार्य संचालन बाहेक अन्य सेवा बन्द हुने छ । 

बैठकले सिरहा नगरपालिका अन्तर्गत हाटबजार, सभा समेलन, कार्यालयहरु, वित्तय संघ सस्थाहरु, व्यवसाय, होटेल तथा रेष्टुरेन्ट लगायतका अन्य पसल सार्वजनिक तथा निजि सवारी साधन पनि एक हप्ताका लागि बन्द गर्न अनुरोध गरेको छ ।

लकडाउन भित्र भिडभाड कम गराउने, स्वास्थ्य सुरक्षाको मापदण्डलाई कडाइका साथ पालना गराउने कार्यलयहरुमा कम आवतजावत गर्नका लागि आग्रह गरिएको छ ।