सिरहा नगरपालिका बिहानै देखी सुनसान ' लकडाउन'

• साउन २६, २०७७ | १,२१४ पटक पढिएको | बैधनाथ कुमार यादब सि

सिरहा । सिरहा नगरपालिका बिहानै देखी सुनसान देखिएको छ । आईतवार मध्य रातीबाट एक हप्ताका लागि घोषणा गरिएको लकडाउन सबैले पालन गरिएको देखिन्छन । 

सिरहामा समुदाय स्तरमा करोना महामारी फैलिरहेको बेला सिरहा नगरपालिकाले गरेका लकडाउन निर्णयलाई सबै क्षेत्रका मानिसले सकारात्मक रुपमा लिएका  छन । हालको अवस्थामा स्थानियतहको सरकारले जोखिम अवस्थालाई ध्यानमा राखी लकडाउन निर्णय लिई रहेको छ ।

लकडाउनको नियमलाई गम्भिरता साथ लियौँ, लकडाउनलाई होइन् । लकडाउन भएपछि त्रासित हुनु हुदैन, नगरपालिकाले अति आवश्यक बस्तुहरु आपूर्तिमा कुनै बन्देज गरेको छैन । स्वास्थ्यलाई विशेष ध्यानमा राखी जिविकालाई सकारात्क रुपमै अगाडि बढाउनु पर्ने सुझाव सिरहा नगरपालिका मेयर असेश्वर प्रसाद यादबले नगरवासीलाई दिनु भयो ।

हिजो मात्रै सिरहाको गोलबजार नगरपालिका वडा नं. १२ मा एक जना २३ वर्षिय पुरुष संक्रमित फेला परेको छ । यसैसँगै सिरहामा संक्रमतिको संख्या २२५ पुगेका छन । कोरोनालाई जिति घर फर्केका संख्या २०४ पुगेका छन ।