सिरहामा २२ गरि मधेश प्रदेश भर १ सय ३६ हातहतियार बुझाइयो

• वैशाख १०, २०७९ | ७८६ पटक पढिएको | सीमा संदेश

सिरहा । स्थानीय तह निर्वाचनलाई दृष्टिगत गरी स्थानीय प्रशासनले इजाजतप्राप्त हतियार बुझाउन गरेको सूचना बमोजिम सिरहामा जिल्लाभरिमा ३ सय १४ थान इजाजत प्राप्त हतियार (बन्दुक) रहे पनि अहिलेसम्म २२ थान हतियारमात्र प्राप्त भएको जिल्ला प्रहरी कार्यालय सिरहाले बताए । त्यस्तै मधेश प्रदेशमा १ सय ३६ हातहतियार बुझाइएको छ ।

प्रदेशका आठवटै जिल्ला प्रशासन कार्यालयले चैत मसान्त भित्र इजाजत प्राप्त हातहतियार बुझाउन सूचना जारी गरेको थियो । सोही सूचनाका आधारमा हातहतियार राख्न पाउने इजाजत लिएका व्यक्तिले नजिकको प्रहरी कार्यालयमा हातहतियार बुझाएको प्रदेश प्रहरी कार्यालयले जनाएको छ ।