सिरहामा पहिलो दिन १४१ भन्दा बढीले दिए उमेदवारी

• वैशाख १२, २०७९ | ५६१ पटक पढिएको | बैधनाथ कुमार यादब

सिरहा, ११ बैशाख । सिरहाका १७ पालिकामा पहिलो दिन जनमत पार्टि र स्वतन्त्र उमेदवारहरुले मात्र उमेदवारी दर्ता गराएका छन् । देशका प्रमुख पार्टिहरु नेपाली कांग्रेस, नेकपा एमाले, नेकपा मओवादी केन्द्र, नेकपा एकिकृत सामावादी, जसपा र लोसपा सिरहाका कुनै पनि पालिकामा उमेदवारी दिइएको छैन् ।

जनमत पार्टि र स्वातन्त्रबाट सिरहाका पालिकाहरुमा मेयर, उपमेयर, वडाअध्यक्ष र वडा सदस्य सम्मका उमेदावरी दर्ता भएको छ । सिरहा नगरपालिकामा ९ जनाले उमेदवारी दर्ता गराएका छन् । वडाअध्यक्षमा २ जना स्वतन्त्रबाट र १ जना जनमत पार्टिबाट १७ नम्बर वडाबाट उमेदवारी दर्ता गराएका छन् । वडासदस्यमा २ जना जनमत पार्टि र ४ जना स्वतन्त्र उमेदवारी दिइएका छन् । कर्जन्हा नगरपालिकामा कुल १७ जनाले उमेदवारी दर्ता गराएका छन् । स्वतन्त्रबाट एक जना रामनारायण साहुले उमेदावरी दर्ता गराएको छ । अरु सबै ११ वटा वडामा जनमत पार्टिको वडाअध्यक्ष देखि वडासदस्य सम्मका उमेदवारी दर्ता गराएका छन् ।

गोलबजार नगरपालिकामा कुल २१ जनाले उमेदवारी दर्ता गराएका छन् । मेयर पदमा १ जना जनमत र १ जना लोसपाबाट उमेदवारी दर्ता गराएका छन् । उपमेयरमा १ जना स्वतन्त्र उमेदवारी दर्ता गराएको छ । ३ वटा वडामा जनमत पार्टिले वडाअध्यक्ष लागि उमेदवारी दर्ता गराएका छन् । बाँकी वडासदस्यहरु जनमत र स्वतन्त्र उमेदवारी दर्ता गराएका छन् ।
कलयाणपुर नगरपालिकामा कुल १२ जनाले उमेदवारी दर्ता गराएका छन् । मेयर पदका लागि १ जना जनमत, १ जना नेमिकिपा र १ जना बहुजन शक्ति पार्टिबाट गरी कुल ३ जनाका उमेदवारी दर्ता भएका छन् । उपमेयर पदमा १ जना जनमत र १ जना नेमिकिपा गरी कुल २ जनाले उमेदवारी दर्ता गराएका छन् । अरु सबै १२ वटा वडामा जनमत पार्टिको वडाअध्यक्ष र वडा सदस्यमा उमेदावरी दर्ता भएका छन् । सुखिपुर नगरपालिकामा ८ जनाले उमेदवारी दर्ता गराएका छन् । मेयर पदमा नेपाल मजदुर किसान पार्टिबाट १ जनाले उमेदवारी दिइएको छ । तिनवटा वडामा वडाअध्यक्ष पदका लागि ३ जना स्वतन्त्र उमेदवारी दिएका छन। वडासदस्य पदमा १ जना महिला, १ दलित महिला र २ जना पुरुष सदस्य गरी कुल ४ जनाले उमेदवारी दर्ता गराएका छन् । धनगढीमाई नगरपालिकामा कुल ९ जनाले उमेदवारी दर्ता गराएका छन् । मेयर पदमा ४ जना स्वतन्त्र र उपमेयर पदमा १ जना स्वतन्त्र उमेदवारले उमेदवारी दर्ता गराएका छन् । वडाअध्यक्षमा ३ जना र १ जान खुला वडा सदस्यका लागि उमेदवारी दर्ता गराएका छन् । लहान नगरपालिामा ९ जनाले उमेदवारी दर्ता गराएका छन् । मेयर र उपमेयर पदमा १।१ जना राप्रपा र १।१ जना सामाजवादी पार्टिले उमेदवारी दर्ता गराएका छन् । अरु सबै जनमत पार्टिबाट वडाअध्यक्ष र वडा सदस्यमा उमेदवारी दर्ता गराएका छन् ।

 लक्ष्मीपुर पत्तारी गाउँपालिकामा ३३ जनाले उमेदवारी दर्ता गराएका छन् । अध्यक्ष पदमा जनमत पार्टिबाट हिरालाल यादब, स्वतन्त्रबाट अशोक दास र बहुजन शिक्त पार्टिबाट १ जना गरी कुल ३ जनाका उमेदवारी दर्ता भएका छन् । वडाअध्यक्षमा जनमत पार्टिबाट ६ जना र जनमत र राप्रपाबाट वडा सदस्यका लागि २४ जनाका उमेदवारी परेका छन् । सखुवान्नकारकट्टी गाउँपालिकामा अध्यक्ष पदका लागि स्वतन्त्र उमेदवार योगेन्द्र यादबको मात्र उमेदवारी दर्ता भएको छ । नरहा गाउँपालिकामा ८ जनाले उमेदवारी दर्ता गराएका छन् । अध्यक्ष पदमा १ जना स्वतन्त्र, वडाअध्यक्षमा २ जना जनमत पार्टि गरी अरु सबै जनमतबाट वडा सदस्यका लागि उमेदवारी दर्ता गराएका छन् । भगवानपुर गाउँपालिकामा कुल १३ जनाले उमेदवारी दर्ता गराएका छन् । अध्यक्ष र उपाध्यक्ष पदमा १।१ जना बहुजन शक्ति पार्टिबाट उमेदवारी दर्ता गराएका छन् । वडाअध्यक्ष पदमा २ जना जनमत पार्टि र १ जना बहुजन शक्ति पार्टि र अरु सबै वडा सदस्यमा दुईटै पार्टिका महिला र दलित सदस्याहरु उमेदवारी दर्ता गराएका छन् । औरही गाउँपालिका र नवराजपुर गाउँपालिकामा कुनै पार्टिले हाल सम्म उमेदवारी दर्ता गराएका छेन् । अन्य स्थानीय तहका निर्वाचन अधिकृतलाई सम्पर्क गरेपनि बेस्तताका कारण उनीहरुबाट तथ्यांक संकलन हुन सकेका छैन् ।