झण्डै एक करोड नेपाली रुपैयाँसहित दुईजना पक्राउ

• असार २१, २०७९ | ४७७ पटक पढिएको | सीमा संदेश

सिरहा ।  धनुषाबाट स्रोत नखुलेको ८३ लाख भन्दा बढी रकम सहित दुईजना पक्राउ परेका छन् ।

धनुषाको जनकनन्दनी गाँउपालिका ५ उदाह बस्ने ३६ वर्षीय ईश्वर मण्डल र १९ वर्षीय राजेश मण्डललाई स्र्रोत नखुलेको ८३ लाख ६४ हजार ५ सय रुपैयाँ सहित नियन्त्तणमा लिएको सशस्त्र प्रहरी बल नेपाल नं. ८ गणले जनाएको छ ।

मंंगलबार दिउँसो जनकनन्दनी १ ईनर्वा चेक प्वाईन्टको सीमा ईलाकामा आलुको बोरामा ल्याउदै गरेको ८३ लाख ६४ हजार ५ सय रुपैयाँ बरामद गरिएको छ ।

सशस्त्र प्रहरी प्रहरी निरीक्षक शम्भु कटुवालको कमाण्डमा खटेको प्रहरी टोलीले भारतबाट ज ७ प ५००७ नम्बरको मोटरसाइकलमा आलुको बोरामा राखेर आइरहेकामा शंकाको आधारमा चेकजाँच गर्दा स्रोत नखुलेको रकम बरामद भएको हो ।

आवश्यक अनुसन्धान तथा कारवाहीको लागि दुबैजनालाई नगद र मोटरसाइकलसहित जिल्ला भन्सार कार्यालय जनकपुरमा बुझाउने तयारी भइरहेको सशस्त्र प्रहरीले जनाएके छ ।