आज जनकपुरधामका व्यवसायीहरूद्वारा बजार बन्द घोषणा

• माघ २१, २०८० | २६१ पटक पढिएको | सीमा संदेश

प्रहरी प्रशासनको विरोधमा जनकपुरधामका व्यवसायीहरूले आज बजार बन्द गर्ने भएका छन् । आइतबार दिउँसो २ बजेसम्म बजार, उद्योग र व्यवसाय बन्द गर्ने जनकपुरधाम उद्योग वाणिज्य संघले आह्वान गरेको छ ।

बिल बिजकबिना सुनको अबैध कारोबार गरेको भन्दै गत बुधबार धनुषा प्रहरीले जनकपुरधामका सुनचाँदी व्यावसायीहरू बलराम साह, अरूण ठाकुर तथा सिरहा मिर्चैयाका अजय साह सोनार र संजय साह सोनारलाई पक्राउ गरेर राजश्व अनुसन्धान विभागको कार्यालय पथलैयालाई जिम्मा लगाएको थियो । विभागले बिहीबार उनीहरू धरौटीमा रिहा गरेको थियो ।