नेपाल विद्युत प्राधिकरण गोलबजार शाखाको चरम लपरवाही

• मंसिर ४, २०८१ | ४४७ पटक पढिएको | सीमा संदेश

सिरहा, ०४ मंसिर । नेपाल विद्युत प्राधिकरण गोलबजार शाखाले विद्युत लाइन (तार) व्यवस्थापनमा चरम लपरवाही गरिरहेको छ ।

गोलबजार नगरपालिका वडा नं. ४ गुरुधाम चौकबाट गुरुधाम जानेबाटोमा ११ हजार के.भि. र २५० के. भि. भोल्टेजका तार छ महिना भन्दा बढी  समय देखी सडकमै जथाभावि झुण्डिरहदा पनि नेपाल विद्युत प्राधिकरण शाखा गोलबजारले व्यवस्थापन गर्न चरम लपरवाही गरिरहेको हो ।

यस क्षेत्रका स्थानीयले विद्युत प्राधिकरणलाई पटक पटक लाइन साउट भईरहेको र यसबाट ठुलो दुर्घटना हुने सक्ने भनी जानकारी गराएपनि प्राधिकरणका कर्मचारीले ध्यान नदिईरहेको गुनासो गरिरहेका छन् ।

बजार क्षेत्रमा पनि यति ठुलो दुर्घटना हुने सम्भावन देखिरहदा पनि स्थानीय सरकार तथा सरोकारवालाहरुका चासो नहुनु नागरिकाप्रतिको उदासिन्ता हो । समयमै तार व्यवस्थापन नभए ठुलो दुर्घटना हुन सक्ने सम्भवना प्रति सरोकारवालाहरु सचेत हुन जरुरी रहेको छ ।