विवाहको उमेर २० वर्ष नै कायम राख्न माँग गर्दै मिर्चैयाका किशोर किशोरीले बुझाए मेयर मार्फत प्रधानमन्त्रीलाई ज्ञापनपत्र

• माघ २६, २०८१ | ५१८ पटक पढिएको | सीमा संदेश

विवाहको उमेर २० वर्ष नै कायम राख्न माँग गर्दै मिर्चैयाका किशोर किशोरी समूहहरुले नगरपालिका मार्फत प्रधानमन्त्रीलाई ज्ञापनपत्र बुझाएको छ। दलित विकास मञ्च सिरहाद्वारा मिर्चैया नगरपालिका १ र १० मा गठित किशोर किशोरी समूह तथा बालक्लवहरुले प्रतिनिधीसभाको कानुन, न्याय तथा मानवअधिकार समिति अन्तर्गत गठिन उपसमितिले विवाहको उमेर १८ वर्षमा झर्ने भनी दिएको सुभाव प्रति गम्भिर ध्यानाकर्षण भएको भन्दै नगर प्रमुख श्रवण कुमार यादवमार्फत प्रधानमन्त्रीलाई ध्यानकर्षण पत्र बुझाएको हो।

उनीहरुले बुझाएको ज्ञापन पत्रमा विवाहको उमेर घटाउने विषय कानुन सम्मत मात्र हैन बालबालिको मानसिक, शारीरिक स्वास्थ्य सम्मत नरहेको उल्लेख गरेको छ।

‘मुलुकी देवानी संहिता २०७४ को दफा ७० उपदफा १ (घ) अनुसार विवाहको उमेर २० वर्ष पुराभएका भनि व्यवस्था रहेको छ। विभिन्न वैत्रानिक अध्यन, अनुसन्धान तथा तथ्यका आधारमा कानुनी रुपमै विवाहको उमेर २० वर्ष तय गरिएकोमा कानुन बनाउने तहबाटै नै एकाएक विवाहको उमेर २० वषैबाट १८ वर्षमा झार्ने विषय अगाडी बढाउनु दुःखद रहेको छ।’ ज्ञापन पत्रमा उल्लेख गरिएको छ।  

ज्ञापनपत्रमा ‘नेपालको संविधान र राष्ट्रिय बालबालिका निती २०८०, बालबालिका सम्वन्धि ऐन, २०७५, मुलुकी अपराध अंहिता २०७४ तथा बालबालिा सम्वन्धि नियमावली २०७८, स्थानीय सरकार संचालन ऐन २०७४, बालविवाह विरुद्धको रणनीति २०७२ लगायत अन्य कानुन पनि बालविवाह अन्त्यका लागि कार्यान्वयनमा रहेका छन्। नेपालको संविधानीक इतिहासमा २०७२ सालमा जारी भएको नेपालको संविधानले बालविवाहलाई पहिलो पटक बाल अधिकार हनन् विषयको रुपमा उल्लेखगरी दण्डनिय अपराधको रुपमा स्विकार गरेको छ।’ उल्लेख गरिएको छ। 

सानो उमेरमा विवाह हुँदा घरायसी जिम्मेवारीको बोझ झेल्न नसक्नु, शिक्षा पुरा गर्न नसक्ने, सानैमा बच्चा जन्माउँदा स्वास्थ्यमा विभिन्न समस्या आउने र घरेलु हिंसाको शिकार हुनुपर्ने भएको भन्दै विहेवारीको उमेर २० बर्ष पारी नै हुनुपर्ने माँग ज्ञापनपत्रमा उल्लेख गरेको छ। 

प्रगतिशिल किशोर किशोरी समुह, सृजनशिल किशोर किशोरी समूह, जनता बाल क्लव, सगरमाथा बाल क्लवका प्रतिनीधिहरुले नगरपालिकामा पुगेर मेयर यादवलाई ज्ञापनपत्र बुझाएका थिए।