सखुवानन्कारकट्टी गाउँपालिका कार्यसम्पादनमा जिल्लामै प्रथम

• फागुन ३, २०८१ | ५५९ पटक पढिएको | सीमा संदेश

सिरहा, ०३ फागुन । राष्ट्रिय प्राकृतिक स्रोत तथा वित्त आयोगले स्थानीय तहको कार्यसम्पादन मूल्याङ्कन नतिजा सार्वजनिक गरेको छ ।

गत आर्थिक वर्ष २०८०र८१ मा स्थानीय तहले गरेका कार्यसम्पादनलाई विभिन्न सूचकका आधारमा मूल्याङ्कन गरी अङ्क प्रदान गरिएको आयोगले जनाएको छ ।

आयोगले सार्वजनिक गरेको नतिजाअनुसार कार्यसम्पादन मूल्याङ्कनमा सिरहा जिल्लाको १७ पालकिामध्ये सबैभन्दा बढी अङ्क सखुवानन्कारकट्टी गाउँपालिका पाएको छ । सखुवानन्कारकट्टी गाउँपालिकाको ५४.५ अंक प्राप्त गरेर जिल्लामै प्रथम भएको हो ।

यस्तै गोलबजार नगरपालिका ५१.२ अंकसहित दोस्रो भएको छ । त्यस्तै ५१.१ अंकसहित मिर्चैया नगरपालिका तेस्रो र ५०.९ अंकसहित लहान नगरपालिका चौथो भएको छ ।

त्यसैगरी प्राप्त अंकको आधारमा नगरपालिका तर्फ सबभन्दा कमजोर कार्यसम्पादन कर्जन्हा नगरपालिका र गाउँपालिका तर्फ लक्ष्मीपुर पत्तारी गाउँपलिकाको रहेको छ ।