तस्करीका सामान सेटिङमा छुटाउने प्रहरीका सई ३० हजार घुससहित पक्राउ

• चैत १५, २०८१ | ५६५ पटक पढिएको | सीमा संदेश

रुपन्देहीको प्रहरी चौकी, हाटी बनगाई दुर्गौलियामा कार्यरत प्रहरी नायब निरीक्षक(सइ) खिम बहादुर खड्का घुससहित पक्राउ परेका छन्। दुर्गौलिया नाका हुँदै भारतबाट भन्सार छली अवैधरुपमा घरायसी प्रयोजनका सामान ल्याउन सहजीकरण गरीदिन सघाउन भन्दै उनले घुस लिएका हुन्। 

अख्तियार दुरुपयोग अनुसन्धान आयोगको कार्यालय, बुटवलबाट  खटिएको टोलीले उनलाई घुससहित पक्राउ गरेको हो।  रुपन्देहीको मायादेवी गाउँपालिका वडा नम्बर ६ बाट बिहीबार पक्राउ गरी अनुसन्धान अघि बढाइएको अख्तियारका प्रवक्ता राजेन्द्र पौडेलले बताए।