जसपाद्वारा १५ जना निष्कासित

• फागुन १२, २०८२ | १८८ पटक पढिएको | सीमा संदेश

जनता समाजवादी पार्टी (जसपा) महोत्तरीले पार्टी उम्मेदवारलाई नसघाएको आरोप गाउँदै जनप्रतिनिधिसहित १५ जना नेतालाई पार्टीबाट निष्कासन गरेको छ ।

यही फागुन २१ गते हुने प्रतिनिधि सभा सदस्य निर्वाचनको अधिकारिक उम्मेदवारविरुद्ध गतिविधि नगर्न/गराउन पटक पटक सचेत गराउँदा पनि नमानेपछि निष्कासन गरिएको जसपा नेपाल महोत्तरीले प्रेस विज्ञप्ति मार्फत जानकारी गराउँदै निष्कासन गरिएका नेताहरुको नामावली पनि सार्वजनिक गरिएको छ ।

निष्कासन गरिएका जनप्रतिनिधिहरुमा जलेश्वर नगरपालिकाका मेयर सुरेश साह सोनार, पिपरा गाउँपालिकाका अध्यक्ष रामजानकी यादव, पिपरा गाउँपालिकाका उपाध्यक्ष वन्दना पाण्डेय र गौशाला नगरपालिका १२ का अध्यक्ष कुशेश्वर सिंह रहेका छन् ।

त्यस्तै पार्टीका नेताहरुमा गौशाला नगरपालिका वडा नम्बर २ का कुमरकान्त मिश्र, गौशाला नगरपालिका वडा नम्बर १० का शेष जाली, गौशाला नगरपालिका वडा नम्बर ४ का सविता कुमारी देवी, मटिहानी नगरपालिका वडा नम्बर ५ का रामनन्दन यादव, मटिहानी नगरपालिका वडा नम्बर ३ का मोजिम राइन, जलेश्वर नगरपालिका वडा नम्बर २ का संतोष साह, पिपरा गाउँपालिका वडा नम्बर ५ का रामप्रकाश यादव, शम्भु यादव, पिपरा गाउँपालिका वडा नम्बर १ का राहुल पाण्डेय, एकडारा गाउँपालिका वडा नम्बर ३ का श्याम यादव र एकडारा गाउँपालिका वडा नम्बर ५ का हरिनारायण मण्डल रहेका छन् ।

श्याम यादव र हरि नारायण मण्डललाई पार्टी केन्द्रीय समितिमा र वन्दना पाण्डेयलाई प्रदेश समितिमा निष्कासनको लागि सिफारिस गरिएको जनाइएको छ ।

पार्टीका महोत्तरी जिल्ला अध्यक्ष रामबाबु साह र रामनरेश रायले जारी गरेको विज्ञप्तिमा पार्टीको अनुशासन, विधान र हितको रक्षा गर्दै आगामी निर्वाचनमा सबैले पार्टी उम्मेदवारको समर्थन गर्नुपर्ने भनेका छन् ।

महोत्तरी निर्वाचन क्षेत्र नम्बर ३ बाट जसपा नेपालका संरक्षकसमेत रहेका राष्ट्रियसभा सदस्य महन्थ ठाकुरले आफ् नो छोरी मिनाक्षी ठाकुरलाई उम्मेवार बनाएपछि असन्तुष्टि जनाउँदै हरिनारायण यादवले बागी उम्मेदवारी दिएका छन् ।