सिरहा नगरपालिका वडा नं. ८ द्धरा राहत वितरण "वडामा कसैका चुलो बन्दा हुदैन वडाअध्यक्षको प्रतिवद्धता"

• वैशाख २२, २०७७ | १,१७२ पटक पढिएको |

सिरहा नगरपालिका वडा नं. ८ को कार्यलयले लकडाउनबाट विशेष प्रभावित दलित, मजदुर, विपन्न वर्ग तथा गरिवलाई राहत वितरण सुरु गरेको छ । लगभग ८ हजार जनसंख्या रहेका वडामा २६३ जना राहतका लागि सर्वदलिय समितिले छनोट गरेका छन । सामाजिक दुरीलाई ध्यानमा राखि पहिलो प्राथमिकता दलित तथा मजदुरलाई दिई राहत वितरण सुरु गरिएको हो ।
प्रत्येक प्रभावित परिवारका लागि २५ के.जि. चामल, ३ कि.जि. दाल, २ के.जि.तेल, २ के.जि. नुन र २ पिस हात धुने साबुन सहितका प्यकेज व्यवस्था गरिएको वडा सहायक सुनदेश्वर यादबले बताउनु भयो ।
वडा भरी लकडाउकै कारणले कसैको चुलो बन्द हुन नदिने वडा अध्यक्ष नागेश्वर गोईतले प्रतिवद्धता गर्नु भयो । कोरोना भाइरस महामारीकै कारण कुनै पनि समस्या कसैलाई भए सिधा वडा कार्यलयमा सम्पर्क राख्न अनुरोध पनि गर्नु भयो ।
नगरपालिकाको सर्वदलिय छलफलबाट राहत वितरण कार्य भईरहेकोले राहत पाउँन सकिने लक्षीत वर्ग छुट भएमा सहजताको साथ वितरण प्रक्रियालाई सफल बनाउँदै नगरपालिका कार्यलयमा सम्पर्क गरे राहत उपलब्ध गरिने मेयर असेश्वर प्रसाद यादबले जानकारी दिनु भयो । वडाबाट वितरण भईरहेको राहत कार्यक्रमलाई सफल बनाई दिनु हुन नगरवासीसँग अनुरोध पनि गर्नु भयो ।