सिरहाका क्वारेन्टाइनमा बस्नेहरुको चाप बढ्दै, दुई जना आईसुलेसनमा

• जेठ ५, २०७७ | १,४०९ पटक पढिएको |

भारतबाट मजदुरहरु आउने क्रम बढेपछि सिरहाका विभिन्न क्वारेन्टाइनमा बस्ने शंकास्पद बिरामीको संख्या बढने क्रम जारी रहेको छ । आईतवारको तुुलनामा सोमवार वेलुकासम्म क्वारेन्टाईनमा बस्ने शंकास्पद बिरामीको संख्या ३ सय १८ बढी थपि एको छ । भारतमा रेलवे सेवा खुलेसँगै बिभिन्न सहरबाट मजदुररु फर्किने क्रम सुुरु भएको छ । जिल्लाका विभिन्न २४ स्थानमा रहेका क्वारेन्टाईन निर्माण गरिएको छ । ती सबै क्वारेन्टाइनमा चाप बढ्दै गएको छ ।
आईतवार वेलुकासम्म १ सय ३० जना रहेकोमा सोमवार वेलुकासम्ममा क्वारेन्टाइनमा बस्नेको संख्या ४ सय ४८ पुुगेको सिरहाका जिल्ला स्वास्थ्य कार्यालय प्रमुख कृष्णदेव यादबले जानकारी दिए ।
जिल्लामा हाल पिसिआर चेक जाँच ६ सय २८ जनालाई गरिएको थियो । यस मध्ये एक जना पोजेटिभ र ६ सय २७ जना निगेटिभ रिर्पोट आएको थियो । त्यसैगरी ५ सय ३८ जनाको अरडीटी चेक जाँचमा एक जना पोजेटिभ र ५ सय ३७ जनाको निभगेटिभ रिर्पोट आएको छ । दुई जना पोजेटिभलाई धनगडीमाई नगरपालिको महेन्द्र गेनाई अस्पतालको आईसुलेसनमा राखिएको छ भने एक जना अरडीटी पोजेटिभको स्वाव परिक्षणका लागि काठमाडौँ पठाएको यादबले बताउनु भयो ।