थप १९ जनामा कोरोना संक्रमण पुष्टि, संक्रमितको संख्या ६ सय ३ पुग्यो

• जेठ ११, २०७७ | ३८६ पटक पढिएको |

आइतबार थप १९ जनामा कोरोनाभाइरस संक्रमण पुष्टि भएको छ । 
मोरङ, बारा, पर्सा, रौतहट, सर्लाही, रुपन्देही, काठमाडौ, कपिलबस्तु, गुल्मी र नुवाकोटका गरी १९ जनामा कोरोनाभाइरस संक्रमण पुष्टि भएको हो । 

नेपालमा कोरोना भाइरस  संक्रमण पुष्टि संख्या ६०३ पुगेको छ । सङ्क्रमितमध्ये ५२४ पुरुष र ७९ महिला रहेको बताइएको छ।

नयाँ जिल्ला नुवाकोट थपिएपछि नेपालभर गरी ४२ जिल्लामा कोरोनाभाइरस सङ्क्रमित भेटिएका छन्।

स्वास्थ्य मन्त्रालयका प्रवक्ता डा. विकास देवकोटा अनुसार आइतवार अपरान्हसम्म ४८ हजार ८ सय १५ जनाको पीसीआर विधिबाट नमुना परीक्षण गरिएको छ।

सङ्क्रमण देखिएका मध्ये ८७ निको भएर घर फर्किएका छन्।