सिरहामा थप १२ जनामा कोरोना संक्रमति पुष्टी, संक्रमितको संख्या ६१ पुग्यो

• जेठ २७, २०७७ | ५६४ पटक पढिएको | बैधनाथ कुमार यादब

सिरहा । सिरहामा थप १२ जनामा कोरोना भाइरस संक्रमित पुष्टी भएको छ ।

सिरहा नगरपालिकाद्धारा संचालित सूर्यनारायण सत्यनारायण मरबैता यादब बहुमुखि क्याम्पस सिरहाको क्वारेन्टाइनमा रहेको १ महिला र ९ जना पुरुष गरी १० जनामा कोरोना फेला परेको छ ।

त्यसैगरी बरियारपट्टी गाउँपालिकाको क्वारेन्टाइनमा १ जना पुरुष र सुखिपुर नगरपालिकाको क्वारेनटाइनमा १ जना पुरुष गरी कुल १२ जना कोरोना संक्रमित पाँच दिनको अन्तरालमा पुष्टी भएको छ ।

कोरोना पुष्टी भएकाहरुलाई आईसुलेशनमा भर्ना गर्नका लागि तयारी भईरहेको छ । कोरोना भाइरस पुष्टी भएका सबै जना भारतबाट आएको थियो ।

सिरहा कोरोना भाइरस संक्रमितको कुल संख्या ६१ पुगेको छ ।