जनमत पार्टीद्धारा सिरहाको औरहीमा राहत वितरण

• जेठ ३१, २०७७ | ५७३ पटक पढिएको | बैधनाथ कुमार यादब

सिरहा । जनमत पार्टीद्धारा सिरहाको औरही गाउँपालिकामा १०० जना विपन्न घरपरिवारलाई राहत वितरण गरेको छ ।

विश्वभरी फैलिरहेको कोरोना भाइरस महामारीबाट नेपालमा ८० औँ दिन देखि जारी रहेको लाकडाउनका कारण प्रभावित वडा न. ४ को विपन्न, दलित, असहाय, आपांग र गरिव घरपरिवारहरुलाई राहत वितरण गरेको पार्टीको औरही गापा अध्यक्ष पंकज सिँहले बताउनु भयो ।

प्रत्येक घरपरिवारलाई ५ के.जि. चामल, ५ के.जि. आटा, ३ के.जि. मुरही, १ के.जि. दाल, १ के.जि. नुन, ढेर के.जि. तेल गरी आर्थिक सहयोग पनि गरेको युवा नेता दिपेन्द्र यादबले जानकारी दिनु भयो ।

सिरहा जिल्लाका १७ स्थानियतहको सरकारले पहिलो चरणको राहत मात्र उपलब्ध गराई तिन महिने लामो लकडाउनमा पुनः दोस्रो चरणका राहत वितरण नगरेको कारण गरिवा तथा मजदुर परिवारलाई दैनिक छाक टार्न समस्या भईरहेका छन । लकडाउन खुकुलो बनाएपनि दैनिक ज्याल दारीका कार्य गुमाएकाहरु विशेष समस्यामा परेका छन ।