पत्रकार चौधरीको निधन

• कार्तिक ११, २०७७ | ९९३ पटक पढिएको | सीमा संदेश

सिरहा । नेपाल पत्रकार महासंघ सिराहा शाखाका सदस्य तथा सीमा संदेश राष्ट्यि दैनिक पत्रिकाका समाचारदाता ३५ वर्षिय कृष्णमोहन चौधरीको उपचारको क्रममा मंगलबार बिहान निधन भएको छ ।

सिराहाको सुखीपुर नगरपालिका– ८ स्थायी घर भएका चौधरीको धरानस्थित बिपी कोइराला स्वास्थ्य विज्ञान प्रतिष्ठानमा मंगलबार बिहान निधन भएको छ।

घुँडाको जोर्नी सुन्निएर रगत पिप जमेपछि करिब दुई हप्ता पहिले आर.के. मेडिसिटीमा शल्यक्रिया गर्दा पनि सञ्चो नभएपछि थप उपचारको लागि चौधरीलाई ७ कात्तिकमा धरान लगिएको थियो । धरान पुऱ्याए पनि हातखुट्टा र शरीर थप सुन्निन नरोकिएपछि उपचारको क्रममा निधन भएको हो ।

चौधरीको निधनप्रति नेपाल पत्रकार महासंघ सिराहा शाखाका अध्यक्ष दिनेश्वरप्रसाद गुप्ता र प्रादेशिक समिति प्रदेश नम्बर २ का महासचिव किरण कर्णले छुट्टाछुट्टै शोक वक्तव्य जारी गर्दै दिवंगत पत्रकार चौधरीप्रति श्रद्धाञ्जली अर्पण गरेका छन् । चौधरीका दुई छोरा, एक छोरी र पत्नी रहेका छन् ।