लाखौँ मोल बरावरको पटका जिल्ला सशस्त्र प्रहरीद्धारा नष्ट

• कार्तिक २९, २०७७ | ९४९ पटक पढिएको | बैधनाथ कुमार यादब

सिरहा । सिरहा जिल्ला सशस्त्र प्रहरी बलले जिल्लाभरीबाट बरामद गरेको लाखौँ मोल बरावरको पटका सिरहा नरपालिका वडा नं. १९ को वडा अध्यक्ष गोपाल यादबको उपस्थितिमा नष्ट गरेको छ ।

भारतबाट लुकाई छिपाई नेपाल ल्याउदै गरेको अवस्थामा सीमा क्षेत्रको गस्ती टोलीहरुले उत्त परिमाणको पटका बरामद गरेको हो । पटका ल्यउँदै गरेको अवस्थामा सीमा सुरक्षा टोलीलाई देखेपछि पटका फाली भागेको र कोही पनि पक्राउ नपरेको जिल्ला शसस्त्र प्रहरी बल एस.पी. दिपेन्द्र गिरीले बताए ।

नेपाल भारत नाका सिरहाको सोहर्वाबाट रु. ७० हजार ९ सय ५१, बरियारपट्टीको कचनारीबाट रु. १५ हजार ३ सय ६०, औरहीको ईटाटारबाट रु.६ हजार ९ सय ६०, नवराजपुरको झाँझपट्टीबाट रु. ८ हजार, औरहीको दरैयाबाट रु.३ हजार ५ सय, भगवानपुरको माणिकटोलबाट रु. ३३ हजार ६ सय ६६, सिरहाको लगडिगदियाँनीबाट रु. १९ हजार ७ सय ८५,  सिरहाको बुधौराबाट रु.७ हजार ८ सय ९६ र सुखिपुर नगरपालिकाको कविलासीबाट रु.५ हजार गरी कुल रु. १ लाख ७१ हजार १८ रुपैयाँ मोल बराबरको पटका बरामद गरी नष्ट गरिएको स.प्र.नि. सुचना अधिकारी कमल अर्चायले जानकारी दिनु भयो ।