शौचालयको हदमा निसाशिएर १ को मृत्यु ३ जना बेहोस

• मंसिर २४, २०७७ | ८२७ पटक पढिएको | सीमा संदेश

सिरहा । सिरहाको बिष्णुपुर गाउँपालिका वडा न ४ थल्हाकटहामा शौचालयको हदमा प्रवेश गरि निसाशिएर १ को मृत्यु र ३ जना बेहोस भएका छन ।

करिब बीस दिन अघि बनाइएको शौचालयको हदको ढक्कन खोलेर सफाइ गर्न प्रवेश गरेपछि प्रवेश लगतै निसाशिएर बेहोस भई मजदुरको मृत्यु भएको स्थानीयहरुले बताए । स्थानीयका अनुसार मृतकलाई हदबाट निकाल्न प्रवेश गरेको अझै तीन मजदुर पनि बेहोस भएको बताए । पछि हदमा पंखा चालाएर बेहोस भएकाहरू सँगै मृतकलाइ पनि स्थानीय हरि नारायण यादवले हदबाट निकालेको बताए।

मृतकको साथै बेहोस भएकाहरुको जिल्ला अस्पताल सिरहा लगिएको जनाएको छ। स्थानीय राम औतार साहले घर निर्माणका लागि सनचिरैया घर भै बस्ने ठिकेदार देबेन्द्र पासबान लाई ठेक्का दिएको जनाएको छ।

स्थानीयका अनुसार भित्र बनेको ग्यास बाट निसाशिएर मृत्यु भएको हुन सक्ने अनुसन्धानको बिषय रहेको जनाएको छ।