लहानमा एक जना महिलाको शव भेटियो

• वैशाख २९, २०७९ | ६२३ पटक पढिएको | सीमा संदेश

सिरहा । सिरहाको लहानमा एक जना महिलाको शव फेला परेको छ । जिल्ला प्रहरी कार्यालय सिराहाका प्रहरी नायव उपरिक्षक एवम प्रहरी प्रवक्ता सुवास बुढाथोकीका अनुसार सिरहाको लहान नगरपालिका वडा नं ३ नौडेगा चौरीको खुर्सानी बारीमा एक महिला मृत अवस्थामा फेला परेका छन् ।

स्थायी घर लहान ३ रघुनाथपुर भएकी करिब ५५ वर्षिय महिला आफ्नो खेतबारी अर्थात् खुर्सानी बारीमा बिहान घरबाट ८ बजे काम गर्न गाएकी थिइन् ।

दिँउसो अबेला घर नफर्किएपछि निजका श्रीमान चौधरी महतो खोजी गर्न करिव १ बजे खेतबारीमा पुग्दा उनलाई मृत अवस्थामा देखेपछि उनी स्थानियको सहयोगमा ईलाका प्रहरी कार्यालय लाहानलाई जानकारी गराई स्थलगत अनुगमन र मुचुल्का उठाई थप अनुसन्धानको लागि लहान अस्पताल लागिएको निजका छिमेकी ललित नारायन महतोले बताए ।

घटनाको बारेमा थप अनुसन्धान भइरहेको जिल्ला प्रहरी कार्यालय सिराहाका प्रहरी नायव उपरिक्षक एवम प्रहरी प्रवक्ता सुवास बुढाथोकीले बताए ।