पेट्रोलियम पदार्थको मूल्य तत्काल नघट्ने, निगमलाई १५ दिनमा ९९ करोड नाफा

• पुस १८, २०७९ | ५४६ पटक पढिएको | सीमा संदेश

काठमाडौं । नेपाल आयल निगमले तत्काल पेट्रोलियम पदार्थको मूल्य नघटाउने भएको छ । आइतबार भारतबाट आएको पेट्रोलियम पदार्थको मूल्य सूचीमा केही घटबढ भएपनि नेपालमा पनि यथावत राखिने निगमले जनाएको छ । 

निगमका अनुसार भारतबाट पेट्रोल प्रतिलिटर २.५४, डिजेल २.९५, हवाई इन्धन ४.१३ र एली ग्यास प्रति सिलिन्डर ७८.२२ रुपैयाँले बढर आएको छ । मट्टीतेलको मूल्य भने घटेको छ ।

निगमलाई अहिले १५ दिनमा हप्तामा ९९ करोड रुपैयाँ नाफा भइरहेको छ । निगमलाई एलपी ग्यासबाहेक पेट्रोल, डिजेल, हवाई इन्धन र मट्टीतेलमा नाफा भइरहेको छ । 

अझै १८ अर्ब ऋण तिर्न बाँकी रहेको निगमले जनाएको छ ।